Athina nuk ndalet me notë proteste ndaj Tiranës për kishën e Dhërmiut: njofton edhe Berlinin e Uashingtonin

Protesta greke ndaj shembjes së kishës së Dhërmiut shkon në Berlin e në Uashington. Mediat greke njoftojnë se Athina zyrtare përpos notës së protestës dërguar në ambasadën shqiptare në kryeqytetin grek, ka njoftuar edhe Berlinin e Uashingtonin për kundërshtimin që i bën prishjes së kishës ortodokse.

Gazeta greke, Kathimerini citon edhe një reagim të zëdhënësit të ministrisë së Jashtme greke, Constantinos Koutras që e krahasoi prishjen e kishës me shkatërrimin e vendeve të kultit nga ISIS në Siri e në Irak.

Sipas Kathimerinit, qëllimi i zyrtarëve shqiptarë për shkatërrimin e kishës është zbulimi i varrit të Niko Katalanos, misionarit katolik të shekullit XVII. /tesheshi.com/