Ministria e Jashtme greke nuk është ndalur vetëm me deklaratat dhe protestat në UEFA mbi banerin për Çamërinë në Francë por i ka dërguar sot një notë zyrtare ministrisë së Jashtme shqiptare.
Siç bën të ditur MPJ e Greqisë, Athina ka dërguar edhe një notë proteste me anë të ambasadorit grek në Tiranë, Leonidhas Rokanas duke i kërkuar Tiranës zyrtare që të dënojë këtë akt që sipas saj është “i trishtueshëm, i papranueshëm dhe i turpshëm|.
Dy ditë më parë pati edhe një notë proteste nga zv/ministri grek i Atletikës dhe ambasadores greke në Bërne drejt UEFA-S, notë proteste në Ministrinë e Jashtme franceze dhe ambasadorëve të Francës dhe Shqipërisë.
Nga pala greke u kërkua të dënohej zyrtarisht ky akt, por pala shqiptare nxori zëdhënësin e MPJ që e cilësoi çështjen çame si “thelbësore”.
Ndërkaq, në Athinë, një zyrtar i lartë i MPJ-së, Petros Mavroidhis, ka takuar ambasadorin shqiptar në Greqi, Dashnor Dervishi, ku ka kërkuar distancim zyrtar të qeverisë shqiptar nga baneri që evokonte gjenocidin ndaj popullsissë çame.
Ambasadori Dervishi ka theksuar në takim se edhe në disa stadiume greke në të kaluarën ka pasur flamuj apo banderola të Vorioepirit, pa u dhënë përmasa diplomatike nga pala shqiptare.
/tesheshi.com/
