Athina përgatitet të ndërhyjë fuqishëm në zgjedhjet e ardhmshme lokale në Himarë, duke vepruar shpejt dhe në mënyrë të sikronizuar.
Pikërisht sot, ministri i Brendshëm grek, gjenerali i ushtrisë, Nikos Kostas ka firmosur heqjen e shtetësisë për kryebashkiakun e Himarës, Jorgo Goro, i zgjedhur nga PS, ndërkohë në Himarë kanë shpërthyer parullat nacionaliste të Agimit të Artë.
Veprimi i Athinës ka ardhur pas një rezultati të thellë në zgjedhjet e përgjithshme ku PS u rendit me diferencë të madhe nga PD, e cila në Himarë përfaqësohet nga njerëzit e Vangjel Dules.
Për këtë qëllim ka shërbyer edhe spastrimi i degës lokale të PD-së, duke larguar elementët patriotikë të Pilurit për t’i zëvendësuar me palasiotët e PBDNJ-së, si Fredi Berberi dhe Nikollaq Neranxi.
Në mëngjesin e ditës së sotme, qyteti i zonës së Bregut është mbushur me parulla “Himara është Greqi”. E njëjtë si parullat që përhap Beogradi në Mitrovicë, “Kosova është Serbi”.
Kjo frazë përdoret për herë të parë, pasi në të kaluarën është folur për popullsi që flet greqisht, pra dygjuhëshe dhe jo një territor grek. Edhe pse në pamje të parë duket se kemi të bëjmë me një gjuhë ekstremistësh, kjo përbën shkelje të rëndë.
Nëse e kundërta do të kishte ndodhur në Greqi do të bëhej hataja.
E mbani mend ç’u bë për librat ku ishte harta e Shqipërisë ku ndodhej edhe Çamëria?!
Në Himarë është ngritur një bord që lufton për pronat, i cili kundërshton ndarjen e tokave sipas ligjit 7501 që vepron edhe në Himarë ngaqë ka qenë kooperativë bujqësore.
Ky bord që bërbëhet nga gazetarë e biznesmenë drejtohet nga Nikollaq Neranxi, i cili sipas të gjitha gjasave do të jetë kandidati jo vetëm i PBDNJ-së, por edhe i opozitës për Himarën. /tesheshi.com/
