Athina po mban “peng” dy agjentë të shërbimit sekret të Maqedonisë, që janë akuzuar nga Prokuroria Speciale për krime në bashkëpunim me establishmentin e Nikolla Gruevskit.
Bëhet fjalë për ish-punonjësit e “Administratës së Pestë”, Goran Grujovski dhe Nikolla Boshkovski, gjyqi ndaj të cilëve është shtyrë me sebepin se nuk kishte përkthyes grek në gjuhën maqedonase.
Përballë drejtësisë greke, dy të arratisurit për të cilët ishte kërkuar urdhër-arresti ndërkombëtar, për më shumë se 80 ditë u arrestuan në Greqi për pasaporta të rreme.
Grujovski dhe Boshkovski u arrestuan në aeroportin e Selanikut me pasaporta false dhe planifikonin të fluturonin transit për në Budapest, vend ku po strehohen thuajse të gjithë njerëzit e VRMO-DPMNE-së që kërkohen nga Prokuroria Speciale.
Në kohën e përplasjes me Perëndimin, Viktor Orban u bë aleati i vetëm i Nikolla Gruevskit, që madje hyri në lojë duke sulmuar edhe Tiranën zyrtare. /tesheshi.com/
