Policia e Tiranës ka arritur të identifikojë autorët e atentatit të ndodhur mbrëmjen e djeshme te “Komuna e Parisit”, falë një filmimi të kryer nga një shtetas gjerman që u ndodh rastësisht në zonë, në momentin e shkëmbimit të zjarrit.
Video amatore është dorëzuar pranë organeve të policisë nga shtetasi gjerman, i cili duket se i ka ardhur në ndihmë uniformave blu për të zbardhur ngjarjen e rëndë.
Burime policore bëjnë të ditur se pas kqyrjes së filmimit janë identifikuar 4 të rinjtë e moshës 23-27 vjeç, të cilët lëviznin me një automjet tip BMV ngjyrë të zezë.
Sipas policisë, ata janë shtetasit me inicialet K.K, I.Q D.R, dhe L.E, të cilët ende nuk janë arrestuar.
Burimet bëjnë të ditur se këta shtetas dyshohet se kanë pasur konflikte të mëparshme me të riun që mbeti i plagosur në atentatin e mbrëmjes së të enjtes.
Mësohet se autorët e dyshuar po udhëtonin me automjetin BMV X5, ngjyrë të zezë, kur qëlluan një herë mbi 24-vjeçarin dhe me pas u larguan nëpër rrugicat e Komunës së Parisit. /tesheshi.com/
