Atentati me breshëri automatiku në qytetin e Lushnjes ka shkaktuar dy viktima dhe 3 të plagosur. Ngjarja e rëndë, që ka tmerruar banorët, ka ndodhur në shëtitoren e qytetit, shumë pranë komisariatit të policisë.
Burimet bëjnë të ditur se viktima të atentatit kanë mbetur dy të rinj, ndërsa 3 të tjerë janë plagosur. Mediat raportojnë se një prej viktimave është identifikuar si shtetasi Zamir Latifi 23 vjeç nga Lushnja, ndërsa viktima e dytë mbeti një tjetër shtetas.
Policia ende nuk ka dhënë ndonjë informacion për ngjarjen, ndërsa raportohet se mes të plagosurve është edhe M.Xh. /tesheshi.com/
