Plagosja në Kavajë një ditë më parë, e ndodhur në një zyrë elektorale të PD-së, ka rezultuar “Griselda nr. 2”.
Ndriçim Jonuzi, njeriu që plagosi aktivizistin demokrat Bledi Okshtuni, jo vetëm që s’ka lidhje me PS-në, por rezulton të jetë një demokrat, pasi siç ka pohuar dhe vetë e siç ka dalë dhe një filmim i pak viteve më parë, ai ka pritur Bashën në lokalin e tij “Hallall Kebap” në Kavajë.
Por ndryshe nga rasti i Griseldës në 2012-ën, ku PS rendi t’ja faturonte pushtetit rrëmbimin e sajuar prej saj si një ish e dashur e Elvis Roshit, atë kohë kryebashkiak i ri i Kavajës nga PS, por që më pas, kur doli e vërteta u tërhoq publikisht, Basha dhe PD e kanë ditur fare mirë se Ndriçim Jonuzi nuk ka asnjë lidhje me qeverinë, e aq më pak ta ketë urdhëruar Rama për të qëlluar mbi demokratë.
Jonuzi ka pohuar nga arratia se përplasja ka ardhur për shkak se militant demokratë i kanë bllokuar rrugën një nëne me shami. Më tej, ai ka thënë se është demokrat, se ka kontribuuar për PD-në, pasi vjen nga një familje e persekutuar. Babai i tij i përket të ndëshkuarve për bombën në ambasadën sovjetike. 
“Është krejt e qartë që ngjarja e Kavajës s’ka asnjë motiv politik! Autori s’ka asnjë lidhje me PS, përkundrazi është militant i PD! PD s’ka faj për ngjarjen po për politizimin skandaloz! Lulëzim bëhu burrë, ndahu nga Iliri e Saliu, boll bëre kukullën e të paudhëve pa din e iman”, është reagimi më i fundit nga Rama.
Ndërsa basha sot nuk ka një reagim mbi ngjarjen, ndërsa një natë më parë shkoi në vendngjarje e deklaroi: “Një njeri i cili ka humbur çdo lloj kufiri njerëzor dhe që sot hesht, ndërkohë që njerëzit e tij me dhunën dhe aktet e atentatit jo thjesht ndaj një aktivisti tonë, por ndaj demokracisë, tregojnë se këtij rrëgjimi i ka ardhur fundi”, do deklaronte Basha, ndërkohë që dhe mbrëmë, paralel me të, Rama do shkruante se ngjarja nuk ka asnjë lidhje më fushatën, aq më pak me të.
Ndërsa prania e Metës më pas aty nuk ka nevojë për koment. Mjafton një foto. /tesheshi.com/
