Ministria e Brendshme afgane njoftoi se mëngjesin e kësaj të shtune, gazetarja Mina Mangal u qëllua për vdekje nga afërsia nga atentatorë të panjohur në Rehman Baba në lindje të Kabulit.
Ende askush nuk e ka marrë përgjegjësinë për vrasjen. Në një postim të javës së kaluar në media, Mangal tha se ajo ishte kërcënuar me vdekje, por nuk tregoi detaje rreth kërcënime ndaj saj.
Shoqëria civile afgane ka bërë thirrje për hetime të fuqishme në vrasjen e gazetares dhe i bëri thirrje qeverisë që të garantojë siguri për gazetarët.
Në një raport të botuar në muajin prill nga Raporterët pa Kufij (RSF), Afganistani u quajt vendi më vdekjeprurës për gazetarët.
Raporti tha se gjithsej 15 gazetarë dhe punonjës të medias u vranë në vitin 2018, nëntë prej të cilëve në një ditë. /tesheshi.com/
