Një ngjarje e rëndë u shënua në Srebrenicë, ku para kompleksit të Qendrës Përkujtimore në Potoçari, aty ku prehen eshtrat e viktimave të masakrës famëkeqe serbe, njerëz të panjohur kanë lënë një qese me mish derri.
Kanë qenë autoritetet politike boshnjako-muslimane që kanë informuar opinionin, e më pas reaguar ndaj kësaj ngjarjeje, duke shënjestruar drejtues të Republika Srbska si frymëzues të këtij akti
“Ky është një sulm i urryer, me qëllim të përdhosjen e varrezave të viktimave të gjenocidit në Srebrenicë, një fyerje e rënda dhe brutale e ndjenjave të të mbijetuarit dhe familjeve të viktimave të Srebrenicës, pas së cilit ka ngjyrime të qarta politike. Ne presim që sa më shpejt të jetë e mundur të gjenden autorët, por dhe të mbahet përgjegjësi politike. Nuk ka asnjë dyshim se ky akt është i mundur vetëm nën një atmosferë, në të cilën autoritetet më përgjegjëse vazhdimisht mohojnë të vërtetën në lidhje me gjenocidin dhe shprehin përbuzje për viktimat”, u tha në një deklaratë nga SDA, partia kryesore e muslimanëve të Bosnjës.
Duke iu referuar qeverisë së Republika Srspka, nën të cilën ndodhet Srebrenica, SDA thotë se ajo “mban përgjegjësi të drejtpërdrejtë politike për veprime të tilla”. /tesheshi.com/
