Të paktën 18 persona kanë ndërruar jetë pas dy atentateve të ndodhura në jug të Bagdadit në Irak. Një autobombë ka shpërthyer pranë zyrave qeveritare në Samawah, qytetin me shumicë shiite. Pak minuta më pas, një episod i dytë ka ndodhur, gjithmonë në Samawah, pranë një stacioni autobusi. Të plagosurit janë mbi 40.
Tensioni vijon të jetë shumë i lartë në këtë qytet, edhe një ditë pas manifestimeve në shesh ku kërkohej rrëzimi i parlamentit nga ana e protestuesve shiitë.
Pas kësaj ngjarjeje, kryeministri irakian Haidar al-Abadi ka urdhëruar autoritetet të arrestojnë manifestuesit që kanë sulmuar forcat e sigurisë, duke dëmtuar pronën publike dhe duke plagosur disa prej nënpunësve të shtetit.
Manifestuesit, të cilët janë besnikë të liderit radikal Moqtada al Sadr, protestonin për të kërkuar ndryshime në planin politik dhe të luftonin korrupsionin. /tesheshi.com/
