Në Kiev, persona të panjohur qëlluan makinën e një zyrtari lokal e njëherësh të një biznesmeni të njohur, duke vrarë djalin e tij 3-vjeçar.
Bëhet fjalë Vyacheslav Sobolev, i cili vetë ka shpëtuar.
“Pas plagosjes, fëmija vdiq në një ambulancë gjatë rrugës për në spital,” tha Ministria e Ukrainës.
Mediat ukrainase raportojne se gjithçka ndodhi të Dielën në kryqëzimin e rrugëve “Leo Tolstoy” dhe “Tarasovskaya”, si dhe se si pjesa ishte bllokuar nga forcat e policisë dhe se sulmuesit ishin duke u kontrolluar.
Sulmuesi gjithashtu dyshohet se u largua me një makinë Lexus.
Kiev Post raporton se sulmi ndodhi rreth orës 5 pasdite me kohën lokale, e kjo në afërsi të restorantit “Mario”, në pronësi të Sobolev.
Sipas mediave britanike, sulmuesit qëlluan nëpër dritare në vendin e shoferit, si dhe se djali 3-vjeçar i cili u vra, është më i vogëlit i Sobolevit, i cili ka pesë fëmijë.
Sobolev u zgjodh në parlamentin e Kievit më 2015 si një përfaqësues i Bllokut të ish-Presidentit të Ukrainës, Petro Poroshenko.
Sobolev është një biznesmen nga Donetsk, dhe nga 2010 deri në 2011 ai ishte drejtori ekzekutiv i Naftogas-it ukrainas.
Ai dikur zotëronte një zinxhir dyqanesh në Donetsk.
Reuters thotë se sulmet dhe vrasjet e disa personave të famshëm në rrugët e Kievit po ndodhin që kur Rusia aneksoi Krimenë dhe kur nisi rebelimi pro-rus në lindje të Ukrainës në 2014.
Pavel Sheremet, një gazetar bjellorus i njohur për kritikat ndaj lidershipit në atdheun e tij dhe miqësinë me liderin e vrarë të opozitës ruse Boris German, u vra nga një bombë në Kiev në vitin 2016. /tesheshi.com/
