Britania e Madhe dhe Bashkimi Evropian kanë arritur një marrëveshje të minutave të fundit që bisedimet për Brexit të zhvendosen në fazën tjetër. Presidenti i Komisionit Europian Jean-Claude Juncker deklaroi se palët kanë arritur marrëveshjen pas muajsh negociatash të vështira.
“Komisioni ka vendosur t’i rekomandojë Këshillit se është bërë mjaftueshëm progres mbi kushtet strikte të divorcit”, deklaroi Juncker.
Ndërkohë, Presidenti i Këshillit Evropian Donald Tusk paralajmëron për sfidat e ardhshme me të cilat palët përballen ndërkohë që BE fillon bisedimet për tranzicionin me Britaninë. “Jemi gati të fillojmë përgatitjet për marrëdhënien tregtare BE-Britani. Por, të mos harrojmë se kemi para nesh sfidën më të madhe. Të ndahesh është e vështirë, por të ndahesh dhe të ndërtosh një marrëdhënie të re është akoma më sfiduese”, tha ai. /tesheshi.com/
