Zhurma e një çekani që godet në metal e bëri nervoz dhe i shkaktoi shumë pasiguri astronautit të parë kinez, i cili fluturoi në hapësire.
Astronauti Yang Liwei tregoi për eksperiencën e tij gjatë një interviste ndërsa foli për zhurma të çuditshme që kishte dëgjuar gjatë udhëtimit të tij me anijen kozmike Shenzhen 5, në një mision që zgjati 21 orë në vitin 2003.
Edhe pse ai tregon që këtë zhurmë nuk e dëgjoi më gjatë kthimit të tij në Tokë, astronautët e tjerë që ndodheshin në bordin e Shenzhou 6 dhe Shenzhou 7 kanë raportuar se kanë dëgjuar një zhurmë të ngjashme në udhëtimet e tyre.
“Një zhurmë jo e zakontë më shoqëroi gjatë udhëtimit, më dukej sikur vinte nga pjesa e sipërme e anijes kozmike dhe dëgjohej herë pas here. Nuk mund të them me siguri nëse vinte nga pjesa e jashtme apo e brendshme e anijes, por dukej sikur dikush godiste në metal me një çekiç”, – tregon astronauti eksperiencën e tij.
Kjo zhurmë e bëri të ndihej mjaft nervoz dhe aspak komod në atë udhëtim, duke u kthyer me një mimikë të lodhur në shtëpi. Edhe pse ka kaluar një periudhë e gjatë kohorë që nga ajo ditë dhe të tjerë kolegë të tij e kanë ndier atë zhurmë, astronauti nuk mund të thotë ende me siguri se nga vinte apo çfarë ishte./tesheshi.com/
