Ish-trajneri i kuqezinjve në vitet ‘2000 Astrit Hafizi, një prej ish-ikonave të futbollit shkodran e atij shqiptar, ka dhënë një shpjegim se pse kombëtarja jonë, që pas ardhjes së Armando Dukës në krye të FSHF-së, ka në pankinë vetëm trajnerë të huaj.
I ftuar në Provokacija të Mustafa Nanos në ABC News, Hafizi tha se ishte kjo një zgjedhje e Dukës, të cilën ia kishte thënë dhe në një bisedë vite më parë, pasi një trajner shqiptar kishte gjithnjë telashe me ndikime nga të gjitha anët, politika apo shoqëria, për shkak të një realiteti me raporte shumë të afërta, deri dhe familjare. Ndërsa një trajner i huaj, në gjykimin e Dukës do ishte komod në këtë aspekt.
Dhe vërtet, me erën Duka në krye të futbollit shqiptar, në asnjë rast nuk është diskutuar ndonjë figurë shqiptare për ta drejtuar kombëtaren, në një histori që nis me gjermanin Brigel. Me këtë të fundit në krye, kujtojmë se kombëtarja shqiptare arriti të mund Rusinë me rezultatin 3-1. /tesheshi.com/
