Ylli i basketbollit NBA, LeBron James dhe një nga tenistet më me trofe në histori, Serena Williams, janë shpallur si sportistët më të mirë të dekadës (2010-2019) nga Associated Press.
James ka luajtur në tetë finale radhazi të NBA këtë dekadë, duke fituar tre tituj, dy me Miami Heat dhe një me Cleveland Cavaliers. Tre herë ai ishte lojtari më i mirë ë kampionat (2010, 2012, 2013) e po kaq në finalen e NBA (2012, 2013, 2016).
Pas tij qëndron Tom Brady, drejtuesi i New England Patriots, ekipi më i suksesshëm i futbollit amerikan i shekullit.
Sprinteri më i mirë i të gjitha kohërave, xhamajkani Usain Bolt, i cili fitoi pesë medalje ari në Olimpiada dhe tetë në Kampionate Botërore, është në vendin e tretë. E katërti vjen është argjentinasi Lionel Messi, i cili ka marrë pesë herë Topin e Artë (2010, 2011, 2012, 2015, 2019), dhe në vendin e pestë është notari amerikan Michael Phelps, më i suksesshëm në historinë olimpike.
Për femra
Në përzgjedhjen e sportistes më të mirë të dekadës, pesë vendet e para shkuan për femrat amerikane. Më e mira është Serena Williams, e cila fitoi 12 turne Grand Slam nga 2010 deri në 2019: tre Australian Open dy Roland Garros, katër Wimbledons dhe tre US Open.
E dyta është gjimnastja Simone Biles, e treta është notarja Katie Ledecky, pasuar nga dy skiatore: Lindsey Vonn dhe Mikaela Shiffrin. /tesheshi.com/
