Shtëpia e Bardhë ka pranuar si të gabuar një deklaratë të presidentit Trump kur tha nga ai u hapën tri herë më shumë vende pune për afrikano-amerikanët se sa nga ish-paraardhësi Barack Obama.
Siç raporton AP, ky është një rast i rrallë që administrata Trump pranon një gabim, pasi shpesh thuhet se shtrembëron të dhënat dhe ekzagjeron rezultatet ekonomike.
Zëdhënësja e Shtëpisë së Bardhë, Sarah Sanders tha të martën në mbrëmje në Tëitter se më herët gjatë ditës ishte bërë gabim kur iu është thënë gazetarëve se Obama gjatë mandatit të tij hapi vetëm 195,000 vende pune për afrikano-amerikanët, në krahasim me 700.000 vende të reja pune që Trump ka hapur për vetëm dy vjet.
Ekonomia amerikane në fakt, gjatë mandatit të Obamës ka krijuar tre milionë vende pune për amerikanët afrikanë, siç dëshmohet nga të dhënat e Entit të Statistikës së tregut të punës.
Ndërsa Sanders u tha gazetarëve të martën se “Presidenti Trump, që në vitin e parë e ka trefishuar atë që Presidenti Obama ka bërë në tetë vjet”.
Dhe ky pohim, sipas AP, është i pasaktë, pasi statistikat zyrtare tregojnë se numri i vendeve të punës për afrikano-amerikanët, kur Obama mori detyrën në janar të vitit 2008, arriti në 15.5 milionë, dhe kur ai e la detyrën në janar në vitin 2017, kjo shifër ishte 18.4 milionë. /tesheshi.com/
