Politikani serb Vladimir Gjukanoviç, i cili vjen nga partia Partia Progresiste në pushtet, e ka quajtur masakrën e Srebrenicës “çlirim” dhe falënderoi ish-shefin ushtarak serb të Bosnjës, gjeneralin Ratko Mlladiç, për atë që ai e quajti një “operacion ushtarak brilant”.
Deklarata e Vladimir Gjukanoviç erdhi më 10 korrik, vetëm një ditë para se më shumë se 8,000 viktima të masakrës së Srebrenicës u kujtuan me rastin e 24-vjetorit të vrasjes më të rëndë në Evropë që nga Lufta e Dytë Botërore.
“Dua të përgëzoj popullin serb për ditën e çlirimit të Srebrenicës. Falë gjeneralit Ratko Mlladiç kishim një operacionin ushtarak të shkëlqyer,” shkroi Gjukanoviç në Twitter.
Zyrtarët serbë dhe boshnjakë serbë kanë refuzuan të pranojnë se vrasjet masive të meshkujve dhe djemve muslimanë në atë që është konsideruar si gjenocid.
Srebrenica ra në duart e forcave serbe dhe boshnjake më 11 korrik 1995. Popullsia muslimane u largua nga qyteti, i cili ishte shpallur “strehë e sigurt” e OKB-së për civilët. Ata nxituan në kompleksin e Kombeve të Bashkuara me shpresën se paqeruajtësit do t’i mbronin ata.
Kur forcat serbe të udhëhequra nga Mlladiç arritën në kompleksin e OKB-së, paqeruajtësit holandezë ia dorëzuan bazën forcave të Mlladiçit. Forcat serbo-boshnjake pastaj veçuan burrat dhe djemtë për ekzekutim dhe i dërguan gratë dhe vajzat diku tjetër në një territor të kontrolluar prej tyre.
Mijëra persona u ekzekutuan. Ata që u përpoqën të iknin nëpër pyje, gjithashtu u gjuajtën dhe u vranë nga forcat serbe.
Ish-kreu politik serb i Bosnjes, Radovan Karaxhiç u dënua në mars të vitit 2016 për krime lufte për rolin e tij, ndërsa Mlladiç u dënua në vitin 2017 me burgim të përjetshëm pasi u shpall fajtor për gjenocid dhe krime lufte. /tesheshi.com/
