Eshtë mohuar një lirim me kusht i Julian Assange, pikërisht nga gjykatësja që vendosi në favor të tij disa ditë më parë për të mos e ekstraduar në SHBA.
Vendimi i gjykatëses së qarkut Vanessa Baraiter në një gjykatë në Londër, do të thotë që themeluesi i WikiLeaks do të mbetet në burgun e sigurisë së lartë Belmarsh në kryeqytetin e Britanisë së Madhe.
Të hënën, Baraitser refuzoi një kërkesë nga autoritetet amerikane që Assange të dërgohej përtej Atlantikut, ku ai do të gjykohej për 18 akuza për shkelje të Aktit të Spiunazhit dhe komplotit për të hakuar kompjuterët e qeverisë amerikane.
Assange, 49 vjeç, një shtetas australian, është burgosur në Belmarsh që kur u arrestua në ambasadën ekuadoriane në Londër në 2019 për shkeljen e kushteve të lirimit me kusht në një rast tjetër ekstradimi, në të cilin mori pjesë edhe Suedia.
Qeveria amerikane i lidh akuzat me publikimin e qindra mijëra dokumenteve konfidenciale dhe pamjeve të ushtrisë amerikane në WikiLeaks gati 10 vjet më parë.
Zyrtarët amerikanë thonë se materiali i botuar, i cili zbuloi gabime në luftërat në Afganistan dhe Irak, ka vënë shumë në rrezik, por ekipi ligjor i Assange thotë se çështja është e politizuar. /tesheshi.com/
