Ish-udhëheqësi sirian Bashar al Assad bëri deklaratën e tij të parë që nga rënia e regjimit të tij të hënën, 16 dhjetor 2024.
Në një postim në mediat sociale, ai tha se kishte planifikuar të vazhdonte luftimin e forcave rebele përpara se Rusia ta evakuonte. Komentet, të parat në publik që nga përmbysja e regjimit të tij më shumë se një javë më parë, u bënë në kanalin Telegram të presidencës siriane.
Ai thotë se u largua nga Damasku për në Rusi më 8 dhjetor – “një ditë pas rënies” së qytetit, duke shtuar: “Në asnjë moment gjatë këtyre ngjarjeve nuk kam menduar të tërhiqem apo të kërkoja statusin e refugjatit. Mënyra e vetme e veprimit ishte të vazhdoja duke luftuar kundër një sulmi terrorist”.
Në fund të deklaratës ai përmend se “shpreson që Siria të jetë sërish e lirë dhe e pavarur”.
Assad u largua nga kryeqyteti sirian pas një ofensive të rrufeshme në të gjithë vendin nga forcat kundër regjimit, duke i dhënë fund sundimit të tij 24-vjeçar. Vendndodhja e tij, si dhe ajo e gruas së tij Asma dhe tre fëmijëve të tyre, fillimisht nuk dihej.
Rusia tha se Assad ishte larguar nga Siria pas negociatave me grupet rebele.
Pas rënies së regjimit të tij u shërfaq terrori që ia ka ushtruar me një pushtet mizor. Burgjet e tij të kallnin datën dhe jo vetëm kaq. Atij nuk i atribuohet qoftë dhe një aspekt sado pak pozitiv në ushtrimin e pushtetit. /tesheshi.com/
