Majlinda Bregu, ish një ndër figurat qëndrore të PD-së në 8 vitet e qeverisjes 2005-2013, është detyruar të sqarojë në lidhje me një aplikim për vend pune që ka bërë në zyrat e BE-së. Kjo pasi disa media pranë opozitës kanë aluduar se ajo po shpërblehet nga qeveria për kritikat e saj ndaj Lulzim Bashës.
“Po lexoj nje lajm qe paska marre dhene per aplikimin tim per pozicionin e Sekretarit te Pergjithshem, te Keshillit te Bashkepunimit Rajonal .
E para: PO! Kam aplikuar me emrin tim per kete pozicion. i cili eshte i pari i ketij niveli qe nese do ta fitoj, i jepet nje shqiptari.
E dyta! Nuk eshte pozicion qe varet nga qeveria shqiptare dhe per rrjedhoje nuk mund te ofrohet nga qeveria shqiptare. Nota duhet te percillet zyrtarisht nga Ministria e Jashtme sic ndodh me cdo kanditat nga vendet e tjera qe kane aplikuar”, ka shkruar znj. Bregu.
Ajo ishte pjesë e lënies jashtë listave për deputetë në zgjedhjet e 25 qershorit, së bashku me znj. Topalli e z. Patozi. Që kur z. Basha morri drejtimin e PD-së, znj. Bregu ka qenë ndër kundërshtarët e ashpra të tij për stilin e drejtimit të partisë. E njëherësh, është sulmuar jo pak nga militanca demokrate afër Bashës, si “e shitur” te Rama. /tesheshi.com/
