Kryeministri Albin Kurti dhe kreu i diplomacisë së BE-së Josep Borrel, janë ndarë si me thikë lidhur me Asocacionin e Komunave Serbe, i pari për “Jo” dhe i dyti për “Po”, me argumentat përkatëse.
Ndodhi në Bruksel, në një konferencë të të dyve. Sipas Albin Kurti, Asosacioni, pos që kundërshtohet nga Gjykata Kushtetuese e Kosovës, politikisht i shërben Beogradi e jo serbëve të thjeshtë.
“Kur Gjykata Kushtetuese e shpalli jokushtetuese këtë marrëveshje, asnjë serb në Kosovë nuk ka protestuar. Andaj duhet të kemi dialog nga i cili përfitojnë qytetarët e jo politikanët”, tha Kurti.
Siç tha ai më tej, “të gjitha zgjidhjet që vijnë nga lart për të kënaqur politikanët e caktuar s’janë demokratike e unë jam demokrat dhe besoj se kapitujt e ardhshëm mes Kosovës dhe Serbisë s’duhet të jenë për të shpëtuar lëkurën e një politikani por t’i shërbejnë popullit dhe kam frikë se ky Asociacion është në shërbim të Beogradit shumë më shumë se sa ndonjë qytetari serb të Kosovvës të cilëve u shërbej poaq si kryeministër i kësaj republike”.
Ndërsa Borrell u mjaftua me argumentin se Asocacioni i Komunave është pjesë e një marrëveshjeje qe duhet zbatur, sipas tij, edhe nëse është rrëzuar në Kushtetuesen e Kosovës.
“Nuk pajtohem që Gjykata Kushtetuese (e Kosovës) vendosi pengesa në zbatimin e kësaj marrëveshjeje. Por, kjo (marrëveshje) u arrit ndërmjet përfaqësuesve të dy qeverive dhe në kuadër të dialogut.
Kështu që, më vjen keq, por na duhet të kërkojmë zbatimin e kësaj marrëveshjeje”, tha Borrell. /tesheshi.com/
