Titanic-u është anija më e famshme në histori që është mbytur në udhëtimin e saj të parë dhe të fundit për shkak të goditjes së një ajsbergu.
Ne mund të admirojmë madhësinë dhe bukurinë e kësaj anije edhe një herë falë rikrijimit të detajuar 3D të të gjithë anijes. Një rikrijim i anijes u ngarkua në YouTube nga animatori amerikan Jared Owen, dhe rekreacioni tregon Titanic-un nga çdo kënd pikërisht ashtu siç dukej para aksidentit.
Kjo video mund të jetë e dobishme për miliarderin australian Clive Palmer, i cili është zotuar të rikrijojë këtë anije të gjatë të fundosur. Vlerësohet se ky rikrijim mund të kushtojë rreth 1 miliard paund.
Fundi i planifikuar i rikrijimit të të ashtuquajturit Titanic II është në vitin 2027. Estetika e anijes do të imitojë një anije të fillimit të shekullit të 20-të, por do të përdorë sistemet më moderne të lundrimit.
Videoja e ngarkuar nga ky animator shoqërohet me një rrëfim të detajuar duke shpjeguar gjëra për këtë anije që ndoshta nuk i keni ditur.
Një nga faktet interesante është se arsyeja pse Titanic-u nuk kishte mjaft varka shpëtimi ishte që të mos prishte pamjen e Atlantikut për pasagjerët e klasit të parë.
Në video përshkruhet me detaje edhe rrjedha e ujit që hyn në anije dhe si rrjedhim fundosja. Sipas këtij informacioni, kur anija goditi ajsbergun, uji hyri në kuvertën e poshtme ku ndodheshin motorët shtytës të anijes, të cilët u shuan të parët.
Kjo anije luksoze kishte kuverta të shumta që përdoreshin nga klasa të ndryshme pasagjerësh, duke përfshirë Klasin e Parë që kishte akses në zonat më luksoze që kjo anije kishte për të ofruar.
Sot, kjo gërmadhë shtrihet në fund të Oqeanit Atlantik, gjë që është interesante për shumë kërkues dhe shkencëtarë, sepse të gjithë besojnë se rrënojat fsheh shumë sekrete që vetëm presin të zbulohen.
Videon mund ta shikoni këtu:
