Kuqezinjtë nuk kanë mundur të bëjnë asnjë të papritur në “Renzo Barbera” të Palermos ndaj Italisë. Vjen humbja e tretë për ta, pas asaj ndaj Spanjës dhe Izraelit.
Një humbje që i jep fund edhe ëndrrës më të guximshme për një kualifikim në botëror. Edhe pse e kanë filluar mirë lojën, me një rast të shkëlqyer e të shpërdoruar nga Cikalleshi, një 11-metërsh për italianët, që edhe mund të mos jepej, e i kthyer në gol nga De Rossi në minutën e 12-të, ka përcaktuar fatin e mëtejshëm të lojës.
Një pezullim i saj në pjesën e dytë për shkak të tymueseve të hedhura në fushë, e goli i Immobile-s në minutën e 80-të, që vulosi fitoren 2-0 për italianët, janë ato çka mund të përmenden nga vazhdimi i ndeshjes.
Fitorja 2-0 i mban italianët në pikë të barabarta me spanjollët, që kanë mposhtur 4-1 Izraelin. Në të njëjtin grup, Maqedonia ka fituar 0-3 ndaj Lihtenshtajnit.
Humbje pësoi dhe Kosova në “Loro Boriçi” të Shkodrës. Ndaj Islandës rezultati qe 1-2; humbja e katërt në pesë takime për kosovarët.
Në ndeshjet e tjera, Kroacia ka fituar 1-0 ndaj Ukrainës, Austria ka mundur 2-0 Moldavinë, ndërkohë që barazimi i vetëm, pa gola, është regjistruar në takimin Irlandë – Uells. /tesheshi.com/
