Procesi i numërimit të votave pas një votimi me përmasë monopartiake, nuk po ofron asnjë suprizë.
Kandidatët e PS-së po rikonfirmohen fitues njëri pas tjetrit, edhe aty ku kanë patur përballë rivalë, siç në rastin me ata të Bindjes Demokratike, duke ecur kështu të sigurt drejt dominimit të të gjithë territorit të vendit duke marrë drejtimin e 61 bashkive.
Në krye qëndron Erjon Veliaj në Tiranë me një rezultat të thellë ndaj Arben Skënderit, një emër i ardhur nga bota e muzikës, një violonçelist.
Por po nga arti, aktrimi më saktë, një tjetër ka marrë çelësat e kryebashkiakut. Ky është Erjon Isa, aktor i njohur i Portokallisë, i cili do të jetë, e do të ishte me gjasë edhe nëse do kishte garë klasike, kreu i Bashkisë së Ersekës. /tesheshi.com/
