Bujar Nishani dhe Gjeorgje Ivanov do të jenë të vetmit liderë ballkanikë që do të mungojnë në ceremoninë e bujshme të inagurimit të Presidentit të ri të Serbisë, Aleksandër Vuçiç.
Rreth 300 personalitete të rëndësishme botërore do të marrim pjesë të premten në një event të fryrë ku do të jetë present dhe zyrtari i lartë i DASH, Hoyt Brian Yee dhe zv.kryeministri i Rusisë, Dimitri Rogozin i cili njihet ndryshe si njeriu i marrëveshjes së armëve me Serbinë.
Nga Ballkani, pjesëmarrja do të jetë e nivelit të lartë; që nga të tre anëtarët e Presidencës së Bosnjës: Bair Izetbegoviç, Mladen Ivaniç dhe Dragan Çoviç; presidentja e Kroacisë, Kolinda Kobar Kitariç; presidenti i Slovenisë, Borut Pahor; dhe presidenti i Malit të Zi, Filip Vujanoviç.
Në ceremoni do të marrin pjesë dhe sheiku i Emirateve të Bashkuara Arabe, Mohammed bin Zayed al Nahyan; kancelari austriak Chirstian Kern; dhe kryeministri hungarez, Victor Orban,
BE do të përfaqësohet nga komisioneri Johannes Hahn, ndërsa do të marrin pjesë ministra nga mbi 55 vende të botës.
Siç bën të ditur televizioni B92, në ceremoninë e inagurimit të Vuçiç janë ftuar rreth 300 gazetarë nga mbarë bota të cilët do të shëtiten nëpër Serbi duke u ofruar ofertat më të mira turistike të vendit dhe gatimet tradicionale serbe. /tesheshi.com/
