Ashtu siç pritej, babë e bir të zhdukur në rrjedhën e furishme të ujrave si pasojë e shirave, janë gjetur të pajetë.
Ngjarja e rëndë ka ndodhur në Malësinë e Madhe, ku paraditen e së dielës, ata u morrën nga rrjedha në vendin e njohur si “Grykë Lugje” , të ndodhur brenda një automjeti, ku arriti të dalë vetëm vajza, e cila shpëtoi.
Pas ndërprerjes mbrëmjen e djeshme, kërkimet rinisën sërish mëngjesin e sotëm nga polumbarët e RENEA-s, grupi i evakuim-shpëtimit, grupi alpin i FNSH Shkodër dhe u bë e mundur gjetja e trupave në Bogë.
Ata janë Pjetër Rushaj së bashku me djalin e tij, Jason.
Ky është ndër të rrallat raste ku nga shirat e rrëmbyeshëm nuk ka veç përmbytje ka dhe viktima. /tesheshi.com/
