SHBA ka mbi dyfishuar tarifat mbi produktet kineze, veprim ky që shënon përshkallëzim të mprehtë të luftës tregtare mes dy vendeve.
Tarifat për mallrat kineze janë rritur në 25% nga 10% sa ishin më parë. Pekini është zotuar të hakmerret, dhe tha se ky veprim kërkon “masa të nevojshme kundërshtuese”.
Ministria e Tregtisë e Kinës konfirmoi rritjen më të fundit të tarifave amerikane në faqen e saj të internetit.
Tregjet e aksioneve kineze u ndryshuan pak pas kalimit të afatit, ku bursa e Hang Seng ndryshoi me 0.6% dhe Shanghai Composite me 1.5%.
Shifra prej 10% në vlerë prej 200 miliardë dollarësh te produktet kineze si peshqit, çantat, veshjet dhe këpucët, do të rriteshin qysh në fillim të vitit.
Zyrtarë të nivelit të lartë nga të dyja palët po përpiqeshin të shpëtojnë një marrëveshje tregtare në Uashington.
Kohët e fundit, SHBA dhe Kina dukeshin të jenë afër përfundimit të armiqësive tregtare që po zgjasin tash e disa muaj.
Ky vendim ishte vonuar pas disa muajsh negociata, por së fundmi, presidenti amerikan Donald Trump u zotua t’i shkojë në fund bisedimeve që po shkonin “shumë ngadalë”. /tesheshi.com/
