Futbollisti anglez Ashley Cole, njoftoi se i ka dhënë fund karrierës së tij si futbollist.
“Pasi mendova një kohë të gjatë vendosa që t’i jap fund karrierës në futboll. Dua të hedh një hap të ri në jetën time. Ky hap mendoj se do të jetë si trajner”, u shpreh 38vjeçarii cili së fundi luante për Derby County.
Cole e nisi karrierën e tij te Arsenal në vitin 1999, duke luajtur më pas me Crystal Palace, Chelsea, Roma, Los Angeles Galaxy, dhe së fundmi Derby County.
Në klubet të cilat ishte pjesë, ai fitoi Ligën e Kampionëve, Ligën e Evropës dhe Kupën e Ligës, 3 kupa të Premierligës, 7 kupa të Federatës, ndërkohë që ishte pjesë e kombëtares angleze me 107 ndeshje të luajtura. /tesheshi.com/
