Familjet e viktimave në shoqatën “Nëna e Srebrenicës” kanë ngritur padi kundër shtetit holandez në Gjykatën Evropiane të të Drejtave të Njeriut në Strasburg.
“Nënat e Srebrenicës” po luftojnë për njohjen e përgjegjësisë së shtetit hollandez, trupat e të cilit u vendosën në enklavën e atëhershme të Srebrenicës në 1995 në emër të Kombeve të Bashkuara.
Procedimi gjyqësor u ngrit në emër të “Nënave të Srebrenicës” nga dy avokatë, Marko Geritsen dhe Simon van der Sluijs, të cilët thanë në një deklaratë se “Hollanda nuk kishte marrë masa të mjaftueshme mbrojtëse” të popullatës së Srebrenicës.
Më 11 korrik 1995, paqeruajtësit hollandezë jua lanë serbëve enklavën e Srebrenicës, aty ku ndoheshin me mijëra refugjatë, të cilët më pas u shuan mizorisht.
Shoqata “Nënat e Srebrenicës”, e cila përfaqëson më shumë se 6000 të afërm të këtyre viktimave, e ngriti çështjen para gjykatave më të larta holandeze në 2007, duke arritur vetëm sukses të pjesshëm.
Në vitin 2019, Gjykata Supreme e Hollandës vendosi që shteti hollandez kishte vetëm përgjegjësi “shumë të kufizuar” për masakrën.
“Sipas Gjykatës Supreme, këta njerëz me siguri do të ishin vrarë në çdo rast, edhe nëse do të lejoheshin të qëndronin në enklavë. /tesheshi.com/
