Z/ndihmëssekretari amerikan, Hojt Brajan Yee, pas përfundimit të takimeve me Gruevskin dhe Zaevin, përçoi mesazhin e nevojës për formimin e qeverisë së re, duke e sanksionuar si te vetmen mënyrë për tejkalimin e krizës
“Politikat e SHBA-ve kundrejt Maqedonisë mbeten në drejtim të integrimit në BE, stabilitetit dhe demokracisë. Do të punojmë me partitë politike, qytetarët dhe sektorin civil në këtë drejtim. Ne jemi të shqetësuar pasi besojmë se është një fatkeqësi që së fundmi progresi i Maqedonisë dhe prosperiteti nuk ka qenë mjaftueshëm i shpejtë dhe pozitiv, kuptohet për shkak të krizës politike e cila po vazhdon më shumë se dy vjet e gjysmë. Liderët politikë nuk arritën të formojmë qeveri pas zgjedhjeve kredibile që u pranuan nga të gjitha partitë politike. Më alarmues nga të gjitha ndodhitë është incidenti në parlamend javën e kaluar kur pjesëtarë të parlamentit në mënyrë të dhunshme dhe frikacake u sulmuan. Inkurajojmë institucionet që të hetojnë dhe ndëshkojnë ata që i bënë këto vepra. Është me rëndësi që të gjendet një mënyrë që shumica parlamentare të propozojë qeveri dhe program qeveritar dhe të bëhet një transferim i qetë i pushtetit. Debati për çdo çështje duhet të bëhet në kuvend. Vendi duhet të rimëkëmbet për të mirën e të gjithëve. Është koha që kriza të mbarojë”, deklaroi Hojt Yee.
Por nga VMRO nuk kanë ardhur sinjale bindjeje ndaj këtij mesazhi dhe qëndrimi. Partia e Gruevskit i ka qëndruar propozimit për zgjedhje të parakohshme, duke vijuar edhe në prani të diplomatit të lartë amerikan që të hedhë akuza ndaj rivales LSDM.
“Ne nuk e mbështesinm dhunën fizike, por në të njëjtën kohë dënojmë edhe dhunën politike që e bën LSDM-ja mbi institucionet, rregulloren, ligjet dhe Kushtetutën”, u tha në një deklarim të VMRO-së fill pas takimit të Gruevskit me Yee, ku prtencohet njëherësh dhe versioni i zgjedhjeve të parakoshme si mënyrë e daljes nga kriza.
Ndërkohë, Zoran Zaev, pas takimi me Hojt Yee, pohoi ligjshmërinë sipas tij të zgjedhjes së kryetarit të ri të kuvendit dhe tha se shumë shpejt, presidenti Ivanov do marrë njoftimin nga kryetari Xhaferi dhënien e mandatit për formimin e ëeverisë.
“Poashtu ekziston program i ri i cili garanton unitaritetin e shtetit, respektimin e Kushtetutës, perspektivave euro-atlantike të Maqedonisë. Me këtë shteren gjitha kërkesat e paarsyeshme të Ivanovit me të cilën ai e kushtëzon dhënien e mandatit. Shumica parlamentare ka për obligim të realizoj vullnetin e shumicës e shprehur në zgjedhje dhe atë obligim do ta plotësoj”, ka theksuar Zaev.
Ai ka shtuar gjithashtu se qeveria e re do të jetë e gatshme të bashkëpunojë me opozitën në interes të proceseve reformuese, porse sipas tij, në këtë moment me rëndësi është që VMRO të pranojë se është opozitë dhe të ndalë tensionet. /tesheshi.com/
