Policia e Shtetit vijon operacionet për sekuestrimin e aseteve që dyshohet se burojnë nga veprimtari kriminale. Burime nga policia e Tiranës bëjnë të ditur sekuestrimin e disa pasurive të paluajtshme në kryeqytet dhe bregdet, që kapin vlerën e 4 milionë eurove.
Kështu policia bën të ditur se janë sekuestruar pasuritë në zotërim të shtetasit N.J, ku përfshihen: 4 apartamente të ndodhura në Tiranë me një sipërfaqe 450 m2, 2 garazhe me një sipërfaqe 40 m2, 1 apartament në Vlorë me një sipërfaqe 65 m2, tokë e ndodhur në zonën e bregdetit Drimadh, Porto Palermo, Llaman, Amallol në Himarë me një sipërfaqe totale 31.000m2
Këto pasuri, pasi u sekuestruan i kaluan nën administrim Agjencisë për administrimin e Pasurive të Sekuestruara dhe të Konfiskuara, pranë Ministrisë së Financave. /tesheshi.com/
