Kreu i Partisë Demokratike, Lulzim Basha, është takuar paraditen e sotme me ish-Kryeministrin Pandeli Majko, i cili aktualisht është deputet i Partisë Socialiste.
Në përfundim të takimit Basha tha se e respekton zotin Majko për kontributin e dhënë në vite dhe se pranoi me kënaqësi ftesën e tij.
Nga ana e tij ish-Kryeministri deklaroi se tema e takimit ishte Asambleja Parlamentare e NATO-s, e cila do të zhvillojë në Tiranë punimet për tre ditë me radhë duke nisur nga 27 maji.
I pyetur nëse do marrë pjesë në punimet e kësaj asambleje, kreu i PD tha se nuk e di, për shkak të angazhimeve të tjera që ka paralelisht. /tesheshi.com/
