Asambleja e Përgjithshme e OKB-së do të votojë nesër në një mbledhje të jashtëzakonshme një rezolutë anti-Trump për Jeruzalemin.
Siç bën të ditur agjencia italiane Ansa, rezoluta do të votohet në Asamblenë e Përgjithshme pasi u bllokua në Këshillin e Sigurimit prej vetos së SHBA-së.
Rezoluta është prezantuar nga Egjipti dhe nëse miratohet, pritet të izolojë edhe më shumë SHBA-në në komunitetin ndërkombëtar.
Në mbledhjen e Këshillit të Sigurimit, 14 vende anëtare kanë votuar pro rezolutës që kundërshton Jerusalemin si kryeqytet të Izraelit.
Ambasadorja e SHBA-së në OKB, Nikki Haley, ka kërcënuar se do “të shënonte emrat” e atyre që mbështesin mocionin. Por me gjithë presionin, asnjë vend tjetër nuk e mbështeti SHBA-në. /tesheshi.com/
