Asamblea e Partisë Socialiste ka nisur punimet në mjediset e hotel Sheraton në Tiranë, ku pritet të miratohet formalisht edhe përbërja e kabinetit të ri qeveritar.
Kryeministri Edi Rama është vonuar rreth 20 minuta, duke bërë të presin ardhjen e tij anëtarët e forumit më të lartë politik të PS-së.
Në pikënisje të Asamblesë ka folur kreu i grupit parlamentar të PS-së Gramoz Ruçi, i cili ka bërë një panoramë fillestare të Asamblesë.
“Me inciativë të kryetarit u ngritën katër grupe pune për të përgatitur këtë mbledhje.
Grupi i parë është për performancën e deputetëve, i dyti është për të dhënë disa përfundime për të gjithë atë aksion që është bërë me dëgjesat publike.
Grupi i tretë është për rikonstrukturimin e institucioneve dhe grupi i katërt është për lehtësimin e strukturave burokratike, mandej një bilanc të zgjedhjeve të 2017 për organizimin dhe koordinimin e PS-së. Duhet të miratojmë projektvendimin për zgjedhjet e reja në parti dhe në fund do të flasë kryetari”, tha Ruçi. /tesheshi.com/
