Fabrizio Romano është një gazetar italian që punon për Sky Sports, njoftoi se Lionel Messi po transferohet te Inter Miami.
“Lionel Messi në Inter Miami, le të shkojmë! Vendimi është marrë dhe do të bëhet i ditur nga Leo në orët në vijim.
Messi do të luajë në MLS sezonin e ardhshëm.
Nuk ka më shanse për Barcelonën, pavarësisht se po përpiqet ta bëjë këtë”, tha Romano.
Kujtojmë se klubi francez i futbollit Paris Saint-Germain (PSG) ka njoftuar zyrtarisht se ylli argjentinas Lionel Messi tre ditë më parë po largohet nga PSG.
35-vjeçari Messi, i cili luajti në Barcelonë, ku filloi karrierën e tij të gjatë, u transferua te PSG në vitin 2021. Në 74 ndeshje në PSG shënoi 32 gola dhe 35 asistime.
Më herët u përfol se ai mund të kalonte dhe në Saudi, duke ndjekur përvojën e Ronaldos dhe Benzema. /tesheshi.com/
