Jose Mourinho i tha spanjolles AS se kush ishte lojtari më i mirë që kishte parë deri më sot, në të gjithë karrierën e tij si trajner.
“Lëndimet kanë vrarë një karrierë të madhe të mundshme, por askush nuk ka luajtur futboll si braziliani Ronaldo. Messi dhe Cristiano nuk mund t’i afrohen talentit të tij”, tha portugezi, duke shtuar:
“Sigurisht, Messi dhe Cristiano kanë qenë në krye të futbollit botëror për 15 vjet dhe këto janë karriera që të vështira për t’u sfiduar. Por braziliani Ronaldo është lojtari më i talentuar që kam parë ndonjëherë. Mënyra se si ai luajti futboll, që kur qe vetëm 19 vjeç, është e pabesueshme ”.
Luis Nazario da Lima Ronaldo e filloi karrierën e tij në Brazil me Cruzeiron, për të mbërritur më pas në Europë ku ekipi i parë qe PSV, në 1994. Pas 54 golave në vetëm 58 paraqitje për klubin holandez, ai u transferua te Barcelona, për të cilën shënoi 47 gola në 49 paraqitje në vetëm një sezon.
Por kishte probleme me zgjatjen e kontratës së tij. Barça ishte e bindur që braziliani do të nënshkruante një kontratë 10-vjeçare dhe do të qëndronte përgjithmonë në Camp Nou, por negociatat dështuan dhe Ronaldo përfundoi te Interi i Milanos me shifrën rekord të 27 milion dollarëve. Kjo, në verën e vitit1997.
Me Interin, ai fitoi Kupën e UEFA-s në sezonin e parë dhe shpejt u bë kapiten, por në nëntor 1999 ai dëmtoi keq gjurin e tij, duke nisur një kalvar dëmtimesh. Për pjesën tjetër të karrierës së tij, ai luajti me Realin, Milanin dhe Corinthians. Ndërsa me fanellën braziliane, kulmin e karrierës e pati në Botërorihn 2002, kur kur fitoi Kupën e Botës, me dy gola dhe në finale ndaj Gjermanisë. /tesheshi.com/
