Belind Këlliçi vijoi gjuhën e shefit të tij politik për të përligjur humbjen e rëndë në Lokalet e së dielës. Rivali i Veliajt mendon po ashtu si Berisha në lidhje me rezultatin fundosës për ta, duke thënë.
“Ky rezultat është i ndikuar nga një makineri shantazhi dhe dhune ndaj administratës publike, biznesit dhe qytetarëve.
Asetet publike janë vënë në dispozicion e janë shfrytëzuar në maksimum për të dhënë këtë rezultat të sotëm. Ne po punojmë çdo orë për të përgatitur dokumentacionin e plotë për çdo shkelje që është kryer.
Rezultati nuk i përgjigjet asaj se çfarë njerëzit, qytetarët mendojnë për kryebashkiakun aktual dhe kjo është lehtësisht e verifikueshme kudo, në çdo cep të Tiranës, në qytet apo fshat”, tha Këlliçi, duke bërë diferencën vetëm në mungesën e fjalës krim në narrativën e tij.
“Por së pari duhet të kërkojmë brenda nesh, për të kuptuar saktë dhe analizuar me ftohtësi se çfarë publiku, opinioni, banorët dhe votuesit kërkojnë prej nesh”, tha ai, duke dhënë të nënkuptuar se akoma nuk e ka kuptuar se pse votuesi është ende i ftohte ndaj opozitës. /tesheshi.com/
