Francezi legjendar Zinedine Zidane është kthyer pas vetëm një viti në stolin e Real Madridit, duke premtuar ndryshime të mëdha në formacion, nënkuptuar dhe si blerje të mëdha.
Dhe presidenti Florentino Perez do të duhet të përmbushë dëshirat e tij këtë verë. E siç shkruan Marca, jo Hazard, jo Mbappe, por më parë tyre si synim për t’u sjellë te mbretërorët është Sadio Mane i Liverpool-it, një lojtar që në fakt është dhe dobësia e Jurgen Klopp.
“Zidane dëshiron një revolucion në sulmin e Realit dhe shpreson ta udhëheqë një lojtar të shpejtë që mund të luajë në krahë. Dhe ky është Sadio Mane, objektivi i tij kryesor”, shkruan spanjollja sportive.
Ajo shkruan gjithashtu se si francezi është bindur për performancën e lojtarit gjatë sezonit të fundit të Ligës së Kampionëve.
“Ishte i mrekulluar nga fleksibiliteti që ai lojtar i jepte ekipit”, shkruan Marca, e cila raporton se francezi e ka dorëzuar tashmë një kërkesë për ta sjellë atë në verë te klubi madrilen.
Zidane, me sa duket, e sheh Mane si partnerin e përsosur për Karim Benzema, i paprekshëm për të – shkruan Marca. /tesheshi.com/
