Trajneri spanjoll, Josep Guardiola dhe gjiganti gjerman, Bayern Mynih, do t’i ndajnë rrugët në qershorin e vitit të ardhshëm. Mirëpo shkak për këtë ndarje thuhet të jetë mesfushori Arturo Vidal, i cili nuk ishte pëlqyer nga Pep për të ardhur në Alianz Arena, njofton e përditshmja gjermane Bild.
Para fillimit të këtij edicioni, tekniku spanjoll kishte kërkuar nga drejtuesit bavarezë që të afrojnë në skuadër lojtarët si Paul Pogba, Marco Verrati, Eden Hazard, Kevin de Bruyne ose Rahem Sterling, mirëpo për asnjëri prej tyre nuk mundi të realizohet ardhja.
Klubi kishte transferuar Douglas Costan, Kingsley Coman dhe Arturo Vidalin, por që me këtë të fundit Guardiola nuk ia ka kaluar mirë. Polemikat kishin vazhduar në disa seanca stërvitore, derisa kiliani u bë viktimë e spanjollit në disa raste, prandaj mësohet se ndarja e tij me klubin erdhin për këtë shkak.
Në fakt, filozofia e Guardiolas nuk u kuptua kurrë tek Bayerni dhe ishte kritikuar shumë here për mënyrën e lojës së tij.
Bavarezët nuk kanë pritur shumë dhe e kanë emëruar menjëherë tajnerin e ri. Carlo Ancelotti do të jetë zëvendësues i Pep Guardiolas në Bayern Mynih, që nga sezoni i rradhës. /tesheshi.com/
