Pleqtë e komunitetit Maasai mund ta shohin krejtëisht të pamundur që të lundrojnë në një anije kozmike, por për artisten dixhitale Jacque Njeri, natyra gjysëm-nomade e fisit i bën anëtarët e tij kandidatë të përsosur për eksplorimin e hapësirës.
Në projektin e saj të artit të quajtur MaaSci, artisti rikrijon qytetin Tatooine, duke marrë shkas nga seritë e filmave “Star Wars” dhe duke përfshirë elementë të kulturës Maasai.
Në imazhet e mrekullueshme, ajo përshkruan gratë me rruaza shumëngjyrëshe rreth qafës dhe pleqtë me shkopin e tyre në një anije kozmike.
Tradicionalisht, pjesëtarët e komunitetit në Afrikën Lindore merren me rritjen e bagëtisë, shpesh duke kaluar kufijtë midis Kenias dhe Tanzanisë. Por artistja Jacque Njeri u frymëzua për t’i dërguar barinjtë në hapësirë.
“Unë imagjinoj shumë, vëzhgoj gjërat rreth meje, pastaj e skicoj atë. Nganjëherë një ide shkaktohet nga një fjalë. Fjala MaaSci ishte frymëzimi kryesor për këtë projekt”, thotë 26-vjeçarja keniane.
“Unë e admiroj shumë estetikën e tyre (Maasai), tha artistja, duke shtuar se ajo është e frymëzuar nga artisti i vdekur spanjoll Pablo Picasso. /tesheshi.com/
