Flamuri kuqezi, me përmasa 150 metra me 70, do të pushtojë sot Marsejën në Francë. Tifozë shqiptarë do të ndihmojnë në shpalosjen e këtij flamuri, përmasat e të cilit janë të denja për një Rekord Guinness.
Në një intervistë për programin e mëngjesit “Wake Up”, Rinor Sllova, artisti nga Dibra e Madhe, njëherazi ideator i këtij flamuri, u ka bërë thirrje tifozëve kuqezi që të bëhen bashkë e të ndihmojnë për realizimin e kësaj performance.
“Flamuri do të hapet sot, në plazhin e Marsejës, pas shumë ditësh punë. Flamuri është pjesë-pjesë. Kemi menduar të bëjmë një shpalosje artistike, për t’i treguar Francës që dimë të bëjmë dhe art. Do të jetë në formën e shiritave, që shkojnë në 1 metër e gjysmë secili. Në total janë 100 shirita që formojnë flamurin kuqezi”, tha ka thënë Sllova. /tesheshi.com/
