Le ta themi hapur: kjo shpikje, nëse mund ta quajmë kështu, nuk ka për të na ndryshuar jetën në ndonjë formë.
Megjithatë, sfida e artistit holandez është për t’u admiruar.
Ai ka realizuar një vepër arti ‘efimere’, e cila ekziston vetëm në momentin e bërjes, për t’u zhdukur vetëm pak sekonda më pas.
E çfarë mund të ketë më efimere se një re? Këto re materializohen brenda një dhome dhe zgjasin vetëm sa për të bërë një foto.
Artisti holandez nuk e ka zbuluar sekretin e tij si arrin ta bëj këtë, por zakonisht i duhen disa ditë për ta ‘klimatizuar’ ambjentin para shërbimit fotografik.
Pasi lag dyshemenë dhe ajrin në mënyrë që të krijohet lagështi në brendësi të ambjentit, ai përdor një makinë të veçantë për tymin dhe disa ventilatorë për të bërë retë. E më pas nxiton t’i fotografojë, para se të zhduken. /tesheshi.com/
