Nga Mark Brunga
Nëpër rrugët e Durrësit këto ditë ka dalë në xhiro një makinë e ideuar si kullë kalaje nga piktori Edi Shuka. Madje dhe skeleria e mjetit mbi të cilën ngrihet kulla është e ideuar me pllaka në formen e tullave të kalasë së qytetit.
Mbi këtë karakoll shëtitës është instaluar edhe një skulpturë hipotetike e Shote Galicës, figurë e shquar e historisë sonë kombëtare.
Lidhur me konkretizimin e këtyre ideve ekzibicioniste të piktorit, ai shprehet se mjeti përfaqëson lagjen historike “Kala”, si pjesa me spikatëse historike e qytetit të lashtë; dhe se figura e stilizuar e Shote Galicës është simbol i vigjilencës së ushtruar ndër shekuj mbi muret e lashta të qytetit e deri ne ditët tona.
Lidhur më këtë risi artistike të rrugëve durrsake, piktori Edi Shuka thotë se kjo makinë simbolizon një pjesë të historisë së Durrësit si qytet me kala. “Dhe kjo zone ku jemi tani duke biseduar, kujton ai, është pjesë e lagjes ‘Kala’. Për këtë e kam organizuar në këtë mënyrë këtë shoë, sa artsitik aq edhe historik. Është një lagje e mbrojtur. Me 4 kullat e veta dhe 5 porta të hyrjeve të veta gjithandej. E kam rrethuar me 4 flamuj, të Amerikes, BE-së, të Kosovës e Shqipërisë. Si simbol bashkimi të tyre kam vënë edhe Shote Galicën. Si roje vigjilente për të ardhmen e gjithë Shqipërisë. Dhe kjo ide erdhi se gjithmonë kullat vrojtuese kanë pasur edhe rojet vigjilente.
Ja, kullat fortifikuese të qytetit kanë pasur gjithmonë roje në kohërat e lashta. Mund të përmendim se deri vonë, në kohën e Austrisë që kishte roje. Shota e ideuar është me një qyrk të veshur. Kjo se ajo është ditë natë në shërbim”, vijon piktori i menduar, mbase në kërkim të ideve të tjera artistike për të ardhmen..
Piktori Edi Shuko ka qënë gjithnjë befasues në krijimtarinë e tij artistike. Ai është edhe ideatori i një muzeu të drunjtë me mjetet të përdorura ndër kohëra të jetës qytetare të Durrësit. /tesheshi.com/
