Matthew Syed ka shkruar një kolumnë në prestigjiozen britanike ‘The Times’ në të cilën e paraqet Jose Mourinhon, trajnerin e Chelseas, si një “terrorist kulturor”. Për autorin, tekniku portugez ka këto cilësi: “Të gjitha veprimet e tij ndërlidhen me kulturën e egos së tij personale. Është një taktikë e veçantë të cilën e përdor tani e disa vite, por në fund të gjitha i merr lumi. Ai është shumë i pamatur, emocional dhe filozofik për të besuar në sukesin e klubit që ai drejton. Sukseset që i ka arritur deri më tani i feston në mënyrë shumë arrogante dhe me një kulturë të terrorizuar”.
Kolumnisti Syed ka vazhduar përshkrimin për të vetëshpallurin “i veçanti”: “Edhe tifozët më të zjarrtë të klubit Chelsea, kanë filluar të kuptojnë se po të qëndroi edhe 10 vite në skuadër, ky njeri do të ketë të njëjtën filozofi, pa koncept. Blutë e Londrës pa dyshim se do këndellen gjatë muajve në vijim sepse me lojtarët që ka në organikë dhe me buxhetin e klubit është më se evidente kjo zgjidhje. Por, nëse ktheheni prapa për të shikuar në karrierë, Mourinho nuk ka qëndruar shumë gjatë me lojtarët e tij, madje e ka të vështirë t`i motivojë në sezonin e tij të tretë kudo që ka shkuar. Ai ka një grup të lojtarëve që mban afër vetes, kështu krijon klane brenda skuadrës”.
Autori shton tutje paaftësinë e Mourinhos për të ndërtuar marrëdhënie të pjekur me lojtarët dhe rivalët, dhe shpjegon pse ai kurrë nuk mund të arrijë sukses në afat të gjatë. /tesheshi.com/
