Artan Lame, drejtor i ALUIZNI-it dhe njëherësh anëtar i Asamblesë Socialiste, e ka konsideruar një humbje largimin e Ben Blushit nga PS-ja.
Sipas tij, ajo është fillimisht humbje në kuptimin e numrave, sikur dhe një t’i ikë një partie, pa llogaritur që ai njëshi ka dhe të tjerë ndjekës.
I ftuar në një emision paraditeje në News 24, Lame e trajtoi ikjen e Blushit më tej si ikjen e një termometri që matte temperaturën e brendshme të PS-së me qëndrimet e tij, pavarësisht se siç tha Lame ai nuk bënte ndonjë gjë konkrete.
“Vetëm në komunizëm, pastrimi i partisë e bënte atë më të fortë”, tha Lame duke e krahasuar ikjen e Blushit me atë kohë. Në gjykimin e tij, është e kundërta. Çdo largimin, në çdo parti, i sjellë dëm forcës politike. “PS ka probleme, por jo aq dramatike”, tha Lame. /tesheshi.com/
