Urdhëresa e fundit e Arta Markut për vartësit, para se të lërë detyrën, ka qenë ajo mbi kallzimin penal ndaj çdo ndërhyrësi, deri në sferat më të larta të politikës.
Është Shqiptarja.com ajo që zbulon dokumentin, ku thuhet se “Prokurori në çdo rast që evidenton ndërhyrje ose ushtrim i ndikimit të paligjshëm, të papërshtatshëm apo në kundërshtim me ligjin ndaj tij, nga brenda sistemit të prokurorisë, apo nga përfaqësues të pushtetit legjislativ, ekzekutiv, medias apo të çdo personi tjetër juridik a fizik apo subjekt i procedimit penal, menjëherë refuzon çdo ndërhyrje ose ushtrim të ndikimit të paligjshëm, merr çdo masë për të qenë dhe të duket jashtë çdo ndikimi dhe ushtron funksionet në zbatim të Kushtetutës dhe ligjit.
Prokurori, në këtë raste, kur janë kushtet ose kriteret ligjore, sipas rastit, menjëherë paraqet kallëzim penal dhe/ose kryhet arrestimi në flagrancë i personit që ushtron ndikim të paligjshëm, dhe njofton pa vonesë drejtuesin e Prokurorisë, Këshillin e Lartë të Prokurorisë dhe/ose kryetarin e saj”.
“Respekti ndaj prokurorit më të lartë përbën një ndër normat kryesore etike, e cila lidhet me respektin ndaj ligjit dhe institucionit të prokurorisë. Prokurori duhet të respektojë etikën dhe ligjin gjatë komunikimit në marrëdhëniet me prokurorin më të lartë”, thuhet në urdhëresën e Arta Markut.
Ajo ia pasoi detyrën Olsian Çelës së zgjedhur nga parlamenti, ndërkohë që në dy ushtrim detyre si Kryeprokurore e Përkohshme, vuajti xanxën e opozitës si “shërbëtore e Ramës”. /tesheshi.com/
