Prokuroria e Përgjithshme e drejtuar nga Arta Marku, ka rezultuar e pakapur nga kryeministri Rama, pasi për çështjen “Kajmaku” ka konkluduar në kundrarrymë ne qeverinë.
Kreu i Bashkisë së Vorës Agim Kajmaku, ka rezultuar vërtet që të jetë i njëjti person të quajtur Agim Toro, një identitet i dyfishtë për të cilin PD ka ngritur akuzë. E kjo, nga fakti se te personi i tij ka një proces për fallsifikim parash, ndonëse ka dalë i pafajshëm.
Por mjaft fakti që Agim Kajmaku është dhe Jorgo Toro, një detaj i padeklaruar në formularin e dekriminalizimit, e entuziazmuar PD-në, e cila thotë se Prokuroria i dha të drejtë pretendimeve të saj.
“Tashmë çdo alibi e krijuar nga Edi Rama dhe përfaqësuesi i tij në bashkinë e Vorës, është rrëzuar”, tha Sekretari i Përgjithshëm demokrat Gazmend Bardhi.
Ky i fundit kërkoi që Kajmaku të shkarkohet, pasi edhe referuar sqarimit të organit të akuzës, ai duhet të procedohet për fshehjen e një të dhëne.
“Edi Rama ka detyrimin kushtetues dhe ligjor të shkarkojë menjëherë nga detyra kryebashkiakun e Vorës, Agim Kajmaku, i cili është arrestuar dhe ka qenë në kërkim ndërkombëtar deri në shtator të 2019-s”, u shpreh Bardhi. /tesheshi.com/
