Shqipërinë e kanë vizituar që prëj vitit 1990 kur u rrëzua komunizmi pesë Sekretarë Shteti të SHBA-së dhe të pestë kanë pasur arsye specifike dhe të ndryshme për turin e tyre në Tiranë.
Përshembull, Shkaku i vizitës së republikanit James Baker ndryshon tërësisht nga ajo e John Kerry-t ditën e nesërme e kështu me radhë.
Siç tashëm dihet, pesë shefat e diplomacive që vizituan Shqipërinë janë: James Baker në 1991, Madlene Allbright në 1999, Colin Pavvell në 2003, Hillary Clinton në 2012 dhe John Kerry në 2016.
James Baker
Kreu i diplomacisë amerikane, James Baker do të përjetonte në Tiranë një sensacion që do ta shpjegonte gjatë në të gjithë intervistat por edhe kujtimet e tij: mitingun më të madh proamerikan në Europë pas Luftës së Ftohtë në një vend që deri dje ka qenë pjesë e kampit komunist. Ndaj arsyeja e vërtetë e ardhjes së Bakerit në Tiranë ishte heqja e Shqipërisë nga axhenda e inercive komuniste dhe shtytja e krijimit të qeverive antikomuniste. Në atë kohë në Tiranë ishte një qeveri e përbashkët PD-PS, ku kryeministër ishte Ylli Bufi. SHBA donte t’i priste gjërat shkurt: të tregonte nga Tirana një sinjal të qartë të shkëputjes totale nga komunizmi. Dhe ashtu u bë. Por Baker ishte edhe politikani amerikan që dha një mesazh shumë të rëndësishëm. Ai e dinte shumë mirë se vizitonte një vend me shumicë myslimane dhe, para mitingut në sheshin “Skënderbej”, hoqi këpucët dhe vizitoi xhaminë e Et’hem beut.
Madlene Allbright
“Gruaja e hekurt” e administratës së Bill Clinton, projektuesja e Rambuje-së, pas çlirimit të Kosovës, në vjeshtën e vitit 1999 bëri një vizitë të shkurtër në Tiranë, ku dha një mesazh të qartë se shqiptarët tashmë janë aleatë të ngushtë të Amerikës. Në një miting përballë Kryeministrisë në krah të kryeministrit të asaj kohe, Ilir Meta, zonja Allbright tregoi dhe arsyen e asaj vizite: theksimit se Kosovë duhet të shkojë drejt një shteti të pavarur.
Colin Pow
ell
Gjenerali i lavdishëm i Luftës së Gjirit që Bushi i ri e kishte emëruar në krye të State Department, Colin Povvell, zgjodhi Tiranën në vitin 2003 që të firmoste “Kartën e Adriatikut” ose paradhomën për hyrjen në NATO të Shqipërisë, Kroacisë dhe Maqedonisë.
U zgjodh Tirana si vend i firmosjes së paktit, pasi tashmë ishte përcaktuar prioriteti i qendrës proamerikane në Ballkan që ishin as më pak e as më shumë por pesë ish-vilajetet e ish-Perandorisë Osmane.
Hillary Clinton
Sekretarja e Shtetit e mandatit të parë të Barack Obamës është zyrtarja më e dashur nga shqiptarët, natyrisht edhe prej bashkëshorit të saj që kur ishte President, bombardoi Serbinë dhe çliroi Kosovën.
Zonja Clinton zgjodhi një kohë mjaft të rëndësishme pë vizitën e saj në Shqipëri dhe Kosovë. Periudhën e shënimit të 100-vjetorit të themelimit të shtetit shqiptar. Një konfirmim diplomatik se Shqipëria u krijua edhe falë vullnetit të SHBA-së që iu kundërvu fuqive të vjetra botërore që në 1913 sakatuan trojet shqiptare.
John Kerry
Sekretari Shtetit i mandatit të dytë të Presidentit Obama, nuk kishte si të mos vizitonte Shqipërinë pasi sërish kjo pjesë e ballkanit mbetet nyja nevralgjike e Uashingtonit. Edhe pse me një hatërmbetje pas refuzimit të armëve kimike, Kerry vjen në Tiranë për një arsye më shumë se gjeopolitike. Ai vjen për të zgjidhur një hall që deri tani askush nuk ka dalë i gatshëm. Të pranojë në Shqipëri dhe t’u japë strehim 2500 personave që vijnë nga Kampi i Lirisë, iranianë me kombësi por që Teherani kërkon t’i vrasë, qoftë edhe për një aleancë të vjetër të të parëve të tyre me Sadam Hyseinin në Luftën e vitit 1980; por edhe për të përsëritur mesazhin për Kosovën nga Tirana se nuk tolerohet dhuna e destabilizimi.
Simbolikat janë domethënëse për diplomacinë.
/tesheshi.com/
