Grupi i gjakut 0 është lloji i parë i grupit të gjakut të paraardhësve tanë, të cilët kanë qenë të dalluar si dinakë, agresivë dhe tejet grabitqarë. Njerëzit me këtë grup gjaku kanë një rol të rëndësishëm në shoqëri, edhe në ditët e sotme. Liderët, njerëzit me aftësi të mëdha dhe të veçanta, njerëzit proaktivë, ata që kanë aftësi të jenë tepër të fokusuar, kanë cilësitë më të mira të grupit të gjakut 0. Ata mund të jenë shumë të fuqishëm dhe produktivë. Megjithatë, kur ata janë nën stres, mund të tregojnë shenja histerie, të bëhen hiperaktivë dhe impulsivë. Dietat e dobëta ushqimore, ushtrimet e pakta, zakonet e pashëndetshme apo niveli i stresit janë disa faktorë që po i bëjnë këta njerëz më të ndjeshëm sa i takon sistemit metabolik, rezistencës ndaj insulinës,gjendrës tiroide si dhe janë më të prirur për tu prekur nga obeziteti. Trashëgimia gjenetike u ofron këtyre njerëzve të jenë të fuqishëm, produktivë, të kenë jetë të gjatë dhe të jenë optimistë.
Çfarë i bën njerëzit me këtë grup gjaku të jenë unik
Për shkak të grupit të tyre të gjakut, ata janë të predispozuar ndaj disa sëmundjeve të caktuara si ulcera dhe mosfunksionimi i tiroides. Njerëzit me grup gjaku 0 zakonisht kanë një nivel të ulët të hormonit të tiroides dhe kanë sasi jo të duhura të jodit, një element kimik i cili ndikon në rregullimin e hormonit të tiroides. Kjo mund të shkaktojë efekte të shumta anësore si obeziteti, rrjedhja e lëngjeve nga trupi, lodhje etj.
Njerëzit me grup gjaku 0 kanë gjithashtu nivel të lartë të acidit në stomak, në krahasim me grupet e tjera të gjakut, çka shpesh mund të çojë në acarimin e stomakut dhe në ulçer.
Në Japoni, ku lloj grupi gjaku është shoqëruar për një kohë të gjatë me një lloj personaliteti. Ju mund të keni rastisur që edhe të jeni pyetur në lidhje me grupin tuaj të gjakut në një intervistë pune. Njerëzit me këtë grup gjaku përshkruhen më së shumti si të përgjegjshëm, të organizuar, të fokusuar, të ndërgjegjshëm dhe tepër praktik.
Ata orientohen më së mii në anën logjike, me të cilën zgjidhin edhe shumë probleme. Kjo mendohet se vjen si pasojë e faktit se paraardhësit e tyre kanë qenë gjuetarë të mirë dhe iu është dashur të mprehin më së miri këto shqisa, për të mbijetuar në ambiente të caktuara.
Stresi tek këta persona mund të shkaktohet më së shumti si pasojë e hiperaktivitetit dhe e acarimit të herë pas hershëm. Njerëzit me grup gjaku 0 janë të prirur ndaj zakoneve shkatërruese dhe negative, kur ata gjenden nën presion, kur janë të lodhur apo të acaruar. Këshillohet të shmangin kafeinën dhe alkoolin. Kafeina mund të jetë veçanërisht shkatërruese pasi rrit nivelin e adrenalinës dhe noradrenalinës, e cila është e lartë në mënyrë automatike tek këta njerëz.
Më shumë se çdo grup tjetër gjaku, ai 0 ka nevojë të jetë aktiv fizikisht për të pasur një nivel emocional dhe shëndetësor të stabilizuar. Aktiviteti i rregullt fizik duhet realizuar tre apo katër herë në javë. Për rezultate më të mira këshillohen të kryhen ushtrime aerobike për 30-40 minuta në ditë, për të paktën katër ditë në javë.
Përcaktoni qartë se cilat janë planet tuaja, si ditore, mujore, javore apo vjetore dhe mundohuni të shmangni reagimet impulsive. Mundohuni që këto ndryshime të vijnë ngadalë në jetën tuaj.
Konsumoni të gjitha vaktet, përfshirë edhe ato të ndërmjetme. Ushqehuni ngadalë dhe qetësohuni sa duhet.
Shmangni vendimet e rëndësishme dhe shpenzimin e tepër të parave kur jeni të stresuar. Nëse jeni mbi peshë, mos harroni se ushtrimet janë zgjidhja më e mirë për ju./tesheshi.com/
