Duket se ka një trend të rritjes së alergjive në ushqim në kohërat moderne që po jetojmë.
Disa mund të pyesin nëse ka qenë gjithmonë kështu, edhe në kohërat kur kanë jetuar gjyshërit tanë
A kanë vuajtur gjithmonë njerëzit nga mostoleranca e organizmit në gluten, barishte, erëza, produkte të qumështit, arra, lajthi, etj?
Përgjigja është: Jo.
Lexoni se çfarë ka ndikuar në shtimin e alergjive në ushqim dhe si ndryshon koha kur ne po jetojmë nga ajo në të cilën kanë jetuar të parët tanë.
Sipas një studimi të publikuar në vitin 2013 nga Qendra për Kontroll dhe Parandalim të Sëmundjeve, alergjitë në ushqim tek fëmijët janë rritur për 50% në periudhën mes viteve 1997 dhe 2011.
Çfarë po e shkakton këtë rritje të madhe të alergjive?
Në numrin më të madh të rasteve, shkaktar duket të jenë shtimi i përbërësve (hormoneve, preparateve për preservim të ushqimeve, etj.) në ushqim. Këtu hyjnë hormonet dhe antibiotikët në qumështin që konsumojmë, pastaj aromat artificiale, ngjyrat dhe preservativët që shtohen në ushqimet e përpunuara.
Shpjegimi më i thjeshtë se pse gjyshërit tanë nuk kanë vuajtur nga alergjitë sa ne, është për shkak se ata nuk kanë ngrënë ushqime të përpunuara në masën që hamë ne. Ushqimi që ata kanë ngrënë ka qenë natyral, i freskët, dhe jo i përpunuar në laborator. Foshnjat janë ushqyer me gjirin e nënës dhe jo me qumësht të përpunuar.
Përbërësit që ata kanë konsumuar nuk kanë qenë të mbushura me preservativë, aditivë, hormone, antibiotikë, ngjyra, apo të ngjashme.
Bazuar në këto fakte, del se për të zgjidhur problemin me alergjitë në ushqim çka duhet të bëjmë është: të ushqehemi në mënyrë natyrale!
Kjo nënkupton se duhet të shmangim gjithë artikujt ushqimorë që përmbajnë çfarëdo përbërje artificiale.
Në anën tjetër, në dallim prej gjyshërve tanë, shumica prej nesh pjesën dërmuese të kohës qëndrojmë të ngujuar brenda, ngjitemi për TV, kompjuter, celular, apo çfarëdo ekrani tjetër; ushtrimet përjashta i kemi të limituara mos të themi mungojnë fare.
Po ashtu, gjeneratat para nesh nuk kanë vizituar farmacitë për çfarëdo rrjedhje hunde apo ethesh. Ata e kanë kuptuar se disa gjëra është më së miri të trajtohen me preparate tradicionale. Kur organizmi mësohet me ilaçe, ai bëhet i varur prej tyre dhe nuk mund të funksionojë pa to.
Andaj na duhet të përfitojmë nga mënyra e jetesës së gjyshërve tanë, duke çuar një jetë sa më të natyrshme.
Në përfundim mund të themi se dietat, ushtrimet, qëndrimi përjashta, janë komponentë të rëndësishëm për të pasur një jetë të shëndoshë dhe për të parandaluar alergjenët ushqimore. /tesheshi.com/
